Një ngjarje e rëndë ka ndodhur të shtunën mbrëma në rrugën “Vicianum” në Prishtinë, ku një 20-vjeçar u gjet pa shenja jete në banesën e tij, vdekja e të cilit është cilësuar si e dyshimtë. Ky rast ka tronditur familjen Bytyqi, të cilët të pikëlluar kanë marrë lajmin për vdekjen e Drinit, raporton Sinjali. Sinjalizuesit e Sinjalit kanë bërë me dije se Drin Bytyqi, u gjet i shtrirë në banesë dhe ende nuk dihen rrethanat në të cilat ai ka vdekur. Posa Ambulanca ka dalë në vendin e ngjarjes, kanë hasur në trupin e viktimës, që pas ekzaminimit për shenjat vitale, mjeku kujdestar ka konstatuar se i riu ka ndërruar ...

Policia e Kosovës ka njoftuar se një objekt, pronë e një zyrtari policor të komunitetit serb në Leposaviq është përfshirë nga zjarri, pas mesnatës, raporton Gazeta Sinjali. Pas marrjes së informacioneve, njësitë policore kanë dalë në vendin e ngjarjes, teksa kanë nisur hetimet për zbardhjen e këtij rasti që vjen pas rasteve të tjera të zjarrvënieve në Veri. Njoftimi i plotë: I vihet zjarri një objekti (shtalle) pronë e një zyrtari policor Policia e Kosovës, me datën 06.11.2022, rreth orës 04:00 (pas mesnate) ka pranuar një informacion për djegien, vënien e zjarrit ndaj një objekti (shtallë), pronë e viktimës mashkull kosovar i komunitetit serb, me banim në Donje Kërnjen nga ...

Pas vendimit të Listës serbe për largim nga institucionet e Kosovës, dorëheqje këtë mëngjes kanë dhënë edhe kryetarët e Leposaviqit, Zubin Potokut dhe Zveçanit. Pak më parë u raportua edhe për dorëheqjen e Kryetarit të Mitrovicës së Veriut, Milan Radojeviq. Përfaqësuesit politikë të serbëve të Kosovës vendosën të largohet nga institucionet qendrore dhe ato lokale në katër komunat e veriut të Kosovës, përfshirë dorëheqjen e Goran Rakiq nga posti i ministrit. Këtë vendim, Lista serbe e mori pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenad Gjuriq. Ky i fundit u suspendua pasi refuzoi të zbatojë vendimin e Qeverisë së ...

Kryetari i Mitrovicës së Veriut, Milan Radojeviq ka dhënë dorëheqje nga posti i tij, raporton Radio Kontakt Plus. Dorëheqje kanë dhënë edhe këshilltarët e Kuvendit të Komunës së Mitrovicës së Veriut . Lista Serbe dje njoftoi se kanë marrë vendim që të largohen nga të gjitha institucionet në Kosovë, derisa kryetari i këtij subjekti, Goran Rakiq, tha se po jep dorëheqje nga posti i ministrit. Kujtojmë që këto dorëheqje vijnë pasi Kosova nisi zbatimin e vendimit për targa dhe suspendimit të drejtorit të policisë në veri, Nenad Gjuriq, i cili refuzoi ta zbatonte këtë vendim. /GazetaSinjali/ ...

Pas situatës së krijuar në veri, ka reaguar edhe ministrja e Drejtësisë, Albulena Haxhiu, e cila mes tjerash deklaroi se vendimet e Qeverisë janë të drejta dhe të ligjshme. Gjithashtu, sipas Haxhiut, janë për keqardhje dhe të turpshme qëndrimet e subjekteve opozitare. E për një deklaratë të tillë ka reaguar nënkryetarja e PDK-së, Vlora Çitaku. “Ministrja e Drejtësisë sulmon opozitën. Kryeministri personalizon krizën e krijuar. E nderuara qeveri, nga kriza me sindikatat deri tek kriza në marrëdhëniet me aleatë, ju jeni pronarë të (pa)vendimeve. Por edhe gabimeve”, shkroi ajo në Facebook. /GazetaSinjali/   ...

Ambasadori i Serbisë në SHBA, Marko Gjuriq, ka reaguar pas tërheqjes së Listës Serbe nga institucionet e Kosovës, duke thënë se Qeveria Kurti po ndez kaos dhe po destabilizon rajonin. “Një qeveri në thelb anti-amerikane e Kosovës po ndez kaos dhe po destabilizon krahun juglindor evropian në një moment shumë kritik. E habitshme?”, ka shkruar Gjuriq në Twitter. “Veprimet e fundit radikale të qeverisë së Kosovës (ndalimi i serbëve që të votojnë në zgjedhjet e përgjithshme, ndalimi i targave serbe dhe refuzimi i reciprocitetit, heqja dorë publike nga marrëveshjet e ndërmjetësuara nga BE/SHBA për Asociacionin/Komunitetin e shumicës serbe, duke injoruar thirrjet publike nga zyrtarët më të lartë të SHBA-së dhe ...

Zëvendëskryeministri dhe kryediplomati italian, Antonio Tajani, ka reaguar pas zhvillimeve në veri të Kosovës, ku serbët vendosën që të largohen nga institucionet e vendit. Tajani përmes një reagimi në rrjetin social Twitter, ka thënë se Italia është e brengosur për rritjen e tensioneve mes Kosovës dhe Serbisë. Ai tutje ka deklaruar se kanë kërkuar nga ambasadorët në këto dy shtete, që të bëjnë thirrje për moderim të situatës. “Jemi të brengosur për tensionet në rritje mes Serbisë dhe Kosovës. U kam kërkuar ambasadorëve tonë në Beograd dhe Prishtinë që të bëjnë thirrje për moderim të situatës dhe për dialog deri sa të ketë një kompromis të duhur. Italia është e ...

Policia e Kosovës ka njoftuar se janë arrestuar shtatë persona, gjashtë nga të cilët janë të dyshuar për grabitje të armatosura. Gjashtë personat janë të dyshuar për së paku pesë raste të grabitje të armatosura. Operacionet janë realizuar në tri lokacione të ndryshme, në zonën e Lipjanit dhe Drenasit. Njoftimi i plotë i Policisë së Kosovës: Arrestohen shtatë persona, gjashtë nga ta të dyshuar për grabitje të armatosura Sot  hetuesit e Njësitit të  hetimeve të Përgjithshme -Prishtinë, kanë arrestuar gjashtë  persona të dyshuar për së paku pesë raste të grabitjeve të armatosura, si dhe një tjetër për armëbajtje pa leje. Operacionet janë  realizuar në tri lokacione të ndryshme, në zonën ...

Vendimi i Qeverisë së Republikës së Kosovës në krye me Albin Kurtin, që shoferët të cilët lëvizin me targa ilegale me akronime si ‘PR’, ‘KM’, ‘PZ’, ‘GL’, ‘UR’, ‘PE’, ‘DA’ apo ’ĐA t’i konvertojnë ato në RKS, ose në të kundërtën ndaj tyre të lëshohen fleta qortimi, ka çuar peshë gjithë veriun e vendit, raporton Gazeta Sinjali. Ishte ish-drejtori i Policisë Rajonale në Mitrovicë të Veriut, Nenad Gjuriq, ai i cili doli haptazi dhe deklaroi se pjesëtarët e Policisë nuk do të zbatojnë këtë vendim të Qeverisë. Kjo deklaratë u bë sebep që i njëjti të suspendohet nga detyra, nën dyshimet se ka konsumuar veprat penale ‘Sabotimi’ dhe ‘Thirrje për ...

Posedimi dhe përdorimi i armëve të zjarrit është shndërruar në dukuri shqetësuese në vendin tonë. Policia vazhdimisht has në persona të cilët bartin me vete armë ilegale, e që në raste të caktuara nuk hezitojnë t’i shkrepin ato, raporton Gazeta Sinjali. Mbrëmë rreth orës 22:00 në rrugën ‘Justina Shkupi’ në Prishtinë, një i ri është kapur në flagrancë teksa po gjuante me armë zjarri në ajër. Sinjali mëson se 19-vjeçari është arrestuar menjëherë, ndërkohë që arma të cilën e mbante në duar, është konfiskuar bashkë me karikator dhe fishekë. I dyshuari është shoqëruar në stacion policor për intervistim dhe me urdhër të prokurorit ndaj tij është iniciuar rasti për dy ...