Zyrtarët shtetërorë, duke përfshirë edhe pozita të larta të shtetit shpesh kanë qenë cak i kërcënimeve nga persona e grupe të ndryshme dhe si rrjedhojë kanë kërkuar ndihmë e mbrojtje nga Policia. Për një rast të tillë tashmë ka nisur hetimet Prokuroria Themelore në Prishtinë, pas denoncimit të një rasti ku viktimë është një deputete e Kuvendit të Republikës së Kosovës, raporton Gazeta Sinjali. Burimet e Gazetës Sinjali brenda Prokurorisë kanë bërë me dije se bëhet fjalë për deputeten e Kuvendit nga radhët e Partisë Demokratike të Kosovës, Ganimete Musliu, e cila dyshohet se është kërcënuar nga një qytetar në rrjete sociale. Sinjali mëson se sipas informacioneve të para, i ...

Përleshjet mes të rinjve tashmë janë bërë të zakonshme në vendin tonë. Pothuajse çdo ditë raportohet për sherre të ndryshme, motivet e të cilave shpesh dalin të jenë banale. Për një rast të tillë ka përfunduar në prangat e Policisë edhe një i ri në Istog, raporton Sinjali. Burimet e Gazetës Sinjali kanë bërë me dije se në rast janë përfshirë një 19-vjeçar dhe një i mitur, ku ky i fundit ka përfunduar në spital si pasojë e lëndimeve të marra. Sinjali mëson se e gjithë ngjarja ka ndodhur te Stacioni i Autobusëve në Istog, ku pas një konflikti mes palëve të përfshira, 19-vjeçari dyshohet se ka sulmuar fizikisht të ...

BBC ka publikuar një lajm tronditës për zhdukjen e 39 fëmijëve shqiptarë që kanë kaluar kanalin e “La Manshit” gjatë muajve të fundit për në Angli. Në artikull thuhet se pothuajse 20% e fëmijëve emigrantë të pashoqëruar nga Shqipëria, të marra nga Këshilli i Qarkut Kent këtë vit janë zhdukur. Autoritetet vendore kanë raportuar se deri më 31 tetor 197 fëmijë shqiptarë kanë hyrë ilegalisht në Angli, ku 39 prej të cilëve rezultojnë të zhdukur. Gazetarit britanik Simon Jones thekson faktin se nuk ka asnjë gjurmë prej tyre që prej momentit që kur janë regjistruar nëpër zyrat e emigracionit në Angli. Po ashtu BBC thekson se bëhet fjalë për fëmijë ...

Komandanti i Stacionit Policor në Lipjan, Naser Sinani, rreshteri Hasim Lubovci dhe dy hetuesit policorë Fejsal Ahmeti dhe Frashër Rexhepi janë suspenduar nën dyshimet për keqpërdorim të detyrës zyrtare dhe falsifikim të dokumentit zyrtar në rastin tragjik të 35-vjeçares, Hamide Magashi, e cila u vra nga ish bashkëshorti i saj, Sokol Halili, të mërkurën e 30 nëntorit në oborrin e Klinikës së Gjinekologjisë në QKUK, raporton Gazeta Sinjali. Burimet e Gazetës Sinjali kanë bërë me dije se Ahmeti dhe Rexhepi dyshohet se kanë plotësuar formularët se kinse kanë monitoruar urdhrin mbrojtës me të cilin ishte pajisur Hamidja, pasi ajo u vra nga Sokoli. Inspektorati Policor i Kosovës përmes një komunikate ...

Erion Kajtazi i cili ishte pjesë e Kombëtares së Kosovës 017 dhe lojtar i Trepça ’89, ka ndërruar jetë sot në fushën e lojës si pasojë e një ataki kardiak, raporton Gazeta Sinjali. Lidhur me vdekjen e parakohshme të Kajtazit ka reaguar edhe Klubi Futbollistik Trepça ’89, të cilët janë shprehur të tronditur me lajmin e kobshëm. “Nuk gjejmë fjalë për të shkruar për Ty Erion. U rrite me të gjitha grupmoshat te ne. Ne planifikuam që në një të ardhme të afërt të realizojmë transferimin tënd në Europ e se vjen kjo ditë të ndahemi nga ti vetëm fizikishtë por jo edhe emocionalishtë e shpirtërishtë”, thuhet në njoftimin mortor ...

Gazeta Sinjali raportoi sot për një ngjarje të rëndë që i ka ndodhur familjes Qovanaj nga Prizreni pasi në një aksident trafiku u përfshi djali i tyre i cili humbi jetën tragjikisht në Çagllavicë të Prishtinës, shkruan Gazeta Sinjali. Familjarët e të ndjerit kanë bërë të ditur se nesër do t’i jepet lamtumira e fundit më të dashurit të tyre. Sipas njoftimit mortor,varrimi i 36-vjeçarit do të bëhet të dilën më 4 dhjetor me drektë në ora 12:00. Ndryshe, sipas informacioneve të Sinjalit, dyshohet se aksidenti është shkaktuar si pasojë e mospërshtatjes së shpejtësisë me kushtet e rrugës. Burime e Sinjalit njoftojnë se Qovanaj nuk ishte i vetëm në veturë, ...

Ambasadori i Bashkimit Evropian në Kosovë, Tomas Szunyog, është shprehur se duhet bërë më tepër si shoqëri për t’i përkrahur fëmijët që janë me aftësi të kufizuara. “Duke qenë se fëmijët me aftësi të kufizuara janë shpesh të fundit që marrin burimet dhe shërbimet që ju nevojiten, të gjithë ne duhet të bëjmë më tepër për t’i mbështetur ata në shprehjen e aftësive të tyre dhe për të zënë vendin e merituar si të barabartë në shoqëri”, ka shkruar ai në Twitter. “Më të rinjtë ndër ne janë thellë të brengosur për gjendjen e përfshirjes së fëmijëve me aftësi të kufizuara. Pra në këtë ditë Ndërkombëtare të Personave me Aftësi ...

Nga janari i këtij viti e deri në tetor, kompanitë e sigurimeve kanë paguar hiç më pak se 46 milionë euro në emër të kompensimit të dëmeve. Këtë e ka bërë të ditur drejtori i Byrosë Kosovare të Sigurimeve (BKS), Sami Mazreku. Në një intervistë për Ekonomia Online, Mazreku, ka folur edhe për stikersat. Drejtori ka thënë se nga janari i vitit të ardhshëm do të ndryshojë edhe ngjyra e tyre. Sipas tij, ndonëse ky vendim është marrë me vonesë, i njëjti ka dhënë efekte të prekshme. Ai ka thënë se janë regjistruar më pak dëme sesa në kohën kur nuk ishte në fuqi ky vendim. “Më 15 mars e ...

Kryetari i Partisë Demokratike të Kosovës (PDK), Memli Krasniqi, ka kritikuar Qeverinë Kurti se i ka lënë jashtë Projektligjit për rritjen e pagës minimale, personat paraplegjikë, tetraplegjikë dhe ata të verbër. Në Ditën Ndërkombëtare të Personave me Aftësi të Kufizuara, Krasniqi ka thënë se integrimi i këtyre personave duhet të jetë objektiv shtetëror prioritar. “Qeveria Kurti në projektligjin për rritjen e pagës minimale nuk parasheh lidhjen e saj me pensionin për personat paraplegjikë, tetraplegjikë dhe të verbër, duke larguar nga kompensimi edhe përcjellësit e këtyre personave me arsyetimin se u është përmirësuar gjendja. Integrimi i personave me aftësi të kufizuar duke u ofruar mundësi punësimi, mbështetje financiare dhe infrastrukturore – ...

...