Qeveria ka ndarë mbi 4 milionë euro për sigurimin e barnave esenciale për spitalet deri në fund të vitit. Në mbledhjen e mbajtur sot nga ekzekutivi është aprovuar kërkesa e SHSKUK-së. Propozimin para kabinetit qeveritar e lexoi ministri i Financave, Hekuran Murati dhe ai u miratua pa asnjë votë kundër dhe asnjë abstenim. /GazetaSinjali/ ...

Qeveria e Kosovës në mbledhjen e saj ka marrë vendim për themelimin e Këshillit Organizativ për shënimin e përvjetorit jubilar të Pavarësisë së Republikës së Shqipërisë. Kryeministri Albin Kurti ka thënë se ky këshill ka për detyrë që të organizojë të gjitha ceremonitë shtetërore sa i përket shënimit të 28 Nëntorit. Në krye të këshillit është caktuar Ministri i Kulturës, Hajrulla Çeku, derisa anëtarë janë edhe disa ministri si ajo e Jashtme, e Brendshme, Ministria e Mbrojtjes. /GazetaSinjali/ ...

Në seancën e shqyrtimit gjyqësor të martën në Gjykatën Themelore në Ferizaj, Dardan Krivaqa dhe Arbër Sejdiu, të cilët akuzohen për dhunimin dhe vrasjen e Marigona Osmanit, janë deklaruar të pafajshëm. Këtë deklarim, dy të akuzuarit e bënë pas leximit të aktakuzës nga ana e prokurorit Valdet Avdiu. “Më vjen keq, i shprehi ngushëllime familjes, sigurisht që familjes tem i vjen shumë keq. Ajo që thotë prokurori nuk ka ekzistuar kurrë dhe nuk ekziston. S’ka të bëjë me atë që e thotë prokurori”, tha Krivaqa. Kurse, Sejdiu u deklaru shkurt “Nuk e pranoj fajësinë”. Shqyrtimi po vazhdon me fjalën hyrëse të palëve në procedurë./Betimi për Drejtësi/ /GazetaSinjali/ ...

Kryeministri i Kosovës, Albin Kurti ka lavdëruar Administratën Tatimore të Kosovës për inkasimin dhe rritjen e të hyrave. Në ditën e dytë të punëtorisë ndërkombëtare, që po organizohet për herë të parë në Kosovë për përmirësimin e menaxhimit të borxhit tatimor, Kurti tha se trendi i rritjes së të hyrave nga ATK po vazhdon vit pas viti. Pjesë e kësaj punëtorie ishte edhe ministri i Financave, Punës dhe Transfereve, Hekuran Murati. “Vitin e kaluar kemi pasur rritje të të hyrave mbi 28 për qind më shumë se viti paraprak dhe këtë vit trendi i njëjtë ka vazhduar”, tha ai. Ndërkaq, drejtori i ATK-së, Ilir Murtezaj tha se kanë bërë shumë ...

Çmimet në vend vetëm vazhdojnë të rriten, të ndikuara nga shtrenjtimi i ushqimeve dhe i karburanteve. Drutë për zjarr, peleti dhe produktet e qumështit dhe vezët u shtrenjtuan më tepër. Megjithatë, të paktën nga ngritja e tarifave do të kursehen qytetarët që për ngrohje shfrytëzojnë ngrohtoren e qytetit, Termokos. Tarifat për ngrohje me Termokos edhe këtë vit do të jenë të njëjta. Kjo pasi, Zyra e Rregullatorit për Energji (ZRRE)  nuk e ka miatuar kërkesën e Termokos për rritjen e çmimit, shkruan Gazeta Sinjali. “ZRRE ka miratuar strukturën e re tarifore për konsumatorët e NP “Termokos” SH.A. për sezonin ngrohës 2022/2023. Sipas kësaj strukture, edhe këtë sezon ngrohës faturimi për ...

Projektligji për Trustin pritet që brenda pak ditësh t’u dërgohet deputetëve në Kuvendin e Republikës së Kosovës. Ky projektligj do të kthehet në Kuvend pasi që të premtën ka përfunduar afati për mendim për projektligjin për plotësim/ndryshimin e Ligjit për fondin pensional të Kosovës, që mundëson tërheqjen e deri në 30 për qind të mjeteve nga Trusti. Qeveria e Kosovës nuk ka dhënë mendim rreth Projektligjit për tërheqjen e mjeteve nga Trusti. Fillimisht do ju përcillet deputetëve pastaj do dërgohet në Kuvend për votim. Kuvendi në muajin qershor kishte refuzuar që të tërhiqen paratë nga Trusti. Në muajin korrik kishte nisur një peticion nga Partia Demokratike e Kosovës i cili ...

Shefi i Grupit Parlamentar të Lidhjes Demokratike të Kosovës, Arben Gashi, ka thënë se kryeministri i vendit, Albin Kurti, do të ftohet në interpelancë për dialogun me Serbinë në javët e ardhshme, raporton Gazeta Sinjali. Gashi ka thënë se raportimi Kurtit para deputetëve është i paevitueshëm, mirëpo vlerëson se kjo nuk është koha më e mirë që ai të dalë para Kuvendit dhe të flasë për këtë temë. “Nuk duam ta bëjmë të duket i dobët kryeministrin. Nuk duam ta vëmë në defensivë për këtë temë”, ka thënë shefi i deputetëve të LDK-së në T7. Gashi ka shtuar se Kurti nuk e ka një platformë për marrëveshjen përfundimtare me Serbinë. ...

Gazeta Sinjali mbrëmë ka raportuar për arrestimin e një të riu në Prishtinë, i cili dyshohet se tri vite më parë kishte rrahur një person. Pamjet e rrahjes u publikuan në rrjetin social TikTok, me ç’rast për ngjarjen u njoftua edhe Policia. Burimet e Gazetës Sinjali brenda Prokurorisë kanë bërë me dije se i dyshuari është 21-vjeçari, Behar Bahtiri. Bahtiri dyshohet se në vitin 2019 kishte sulmuar një person, e pasi pamjet e rrahjes u publikuan gjithandej, viktima e rastit vendosi ta denoncojë të dyshuarin në Polici. Si rezultat i raportimit, i dyshuari përfundoi në stacion policor, ku u intervistua nga hetuesit policorë për dy vepra penale. 21-vjeçari gjatë intervistimit ...

Në vendin tonë sot pritet të mbajë mot me diell dhe pjesërisht i vranët, raporton Gazeta Sinjali. Instituti Hidrometeorologjik i Kosovës njofton se në vlerat e temperaturave minimale parashihen rritje të lehta, ndërsa në maksimale, parashihen ulje për 1-3 gradë celsius. Minimalet do të lëvizin ndërmjet 5-8 gradë celsius. Ndërsa maksimalet e ditës parashihen të lëvizin ndërmjet 19-22 gradë celsius. /GazetaSinjali/ ...

Dy persona janë therur me thikë te shkolla ekonomike në Prishtinë, shkruan Gazeta Sinjali. Sinjalizues te Gazetës Sinjali kanë bërë të ditur se dy persona janë lënduar, teksa ende nuk dihen më shumë detaje.     Nga Policia kanë thënë për Sinjalin se nuk kanë informacione për rastin. /GazetaSinjali/ ...