Deputeti i LDK-së Avdullah Hoti, tha se ata që po e udhëheqin tani qeverinë, dikur nuk kanë lënë gjë pa bërë kundër qeverive të kaluara kur ato detyroheshin të bënin pagesat për energjinë në veri. Sipas ish-kryeministrit tani qeveritarët e sotëm paguajnë shumëfish më shumë dhe nuk i shihet fundi si do të mbyllet kjo çështje. “Nga raportimi i KOSTT-it sot në Komisionin për Buxhet, 113 milionë euro janë paguara për energjinë në veri për vitet 2021 dhe 2022. Këto mjete janë paguar nga buxheti i shtetit dhe nga dividenta e KOSTT-it për Qeverinë. Sivjet, deri në shtator, borxhi është rreth 25 milionë. Anomalia qëndron edhe në faktin se në ...

Ish- kryeministri i Kosovës, Isa Mustafa, në tha se marrëveshja e vitit 2013 si dhe dokumenti i vitit 2015, nuk kanë qenë drafte të statutit. Sipas tij, Kurti po bën krahasime të pabaza dhe të pakrahasueshme, dhe thjesht po manipulon me opinionin. “Marrëveshja e vitit 2013 si dhe dokumenti i vitit 2015 nuk kanë qenë drafte të statutit. Prandaj z. Kurti po bënë krahasime të pabaza, të pakrahasueshme. Thjesht po manipulon me opinionin”, tha Mustafa për Gazeta Blic. Mustafa thotë se Kurti e ka problemin me autonominë serbe, ku tani po e instalon. Ai thotë se marrëveshja e vitit 2013 dhe dokumenti i vitit 2015, nuk parashohin autonomi për serbet. ...

Më shumë se 63 milionë euro janë ndarë nga Qeveria e Kosovës gjatë vitit 2022 për mbulimin e energjisë së shpenzuar në katër komunat me shumicë serbe në veri të Kosovës, ka bërë të ditur kryesuesi i Bordit të Drejtorëve të KOSTT-it, Jeton Mehmeti, gjatë raportimit në Komisionin për Buxhet, Punë dhe Transfere. Ndërsa në total për vitet 2021-22, shuma e paguar për veriun janë 113 milionë euro. I pyetur nga deputeti i Partisë Demokratike të Kosovës, Mërgim Lushtaku, lidhur me këto pagesa, Mehmeti tha se shuma totale është 63.1 milionë euro. “Një ndër sfidat kryesore që është jashtë kontrollit të KOSTT-it e që është mbulimi i humbjeve të konsumit ...

Asnjëherë nuk arrihet të lidhet një kontratë pa telashe nga Policia e Kosovës, e cila ka të bëjë me shujtat e tyre ditore. Pas përpjekjeve disamujore, prokurimi i këtij institucioni ka nënshkruar dje një kontratë milionëshe me kompaninë “Beni Dona”, e cila është përfituese e rregullt e kontratave për ushqim, shkruan Demokracia.com. Organi Shqyrtues i Prokurimit (OSHP), sa herë që pranon ndonjë ankesë për tender nga ndonjë kompani e angazhon ekspertin e vet shqyrtues për të shoshitur të gjitha provat e palëve dhe më pas nxjerr vendimin e vet. Pasi e pranon raportin e ekspertit, mblidhet paneli dhe e shqyrton atë, ku rendom e miraton ekspertizën e ekspertit të vet. ...

Një ditë para takimit në Bruksel mes kryenegociatorëve të Kosovës e Serbisë, pala serbe thekson, se në takimin e 16 nëntorit diskutohet drafti i statutit të Asociacionit. Qeveria e Kosovës nuk e konfirmon këtë. Kryenegociatorët e Kosovës dhe Serbisë, Besnik Bislimi dhe Petar Petkoviq, takohen të enjten në Bruksel (16.11.), me ftesë të ndërmjetësit evropian në dialogun Kosovë-Serbi, Miroslav Lajçak. Ky i fundit një ditë më parë ishte në Beograd ku takoi presidentin e Serbisë, Aleksandar Vuçiq. Zyrtarët nga Serbia thanë se në takimin e 16 nëntorit, do të diskutohet drafti i statutit të Asociacionit të komunave me shumicë serbe, ndonëse nga qeveria e Kosovës nuk konfirmohet, por as nuk mohohet një gjë e ...

Kryeministri i Kosovës, Albin Kurti, sot [e mërkurë] në orën 16:00 do të takohet me Njësinë Speciale Intervenuese për të diskutuar për kërkesat e tyre pas protestës së mbajtur më 1 nëntor. Pjesëtarët e Njësitit Special Intervenues, njësiti më elitar i Policisë së Kosovës, patën protestuar para ndërtesës së Qeverisë të Kosovës më 1 nëntor, duke kërkuar ndryshim të kategorizimit të vendeve të punës dhe shtesa më të mëdha të rrezikshmërisë. Ata paralajmëruan edhe një protestë për në 7 nëntor, por e cila u pezullua pasi pati premtim nga Kurti për t’i pritur në takim. Një ditë më parë, kryetari i Sindikatës së Policisë së Kosovës, Imer Zeqiri, ka thënë ...

Mbrëmjen e kaluar, Meti, u përjashtua automatikisht nga “Vëllau i Madh”, pas një përplasje me Blerandon. Përjashtimi i tij u komentua nga banorët e shtëpisë, shkruan lajmi.net. E një reagim karshi këtij zhvillimi në “BBVK”, e kishte edhe Edona, e cila kishte pasur disa përplasje me Metin. “Një konkurrent më pak”, ka thënë ajo./Demokracia ...

Ende nuk është caktuar ndonjë datë për takimin e kryeministrit të Kosovës Albin Kurti, me Sindikatën e Policisë së Kosovës, për të diskutuar dhe gjetur ndonjë zgjidhje rreth kërkesave të policëve për pagat dhe shtesat e rrezikshmërisë. Kështu tha për Klankosova.tv, kryetari i Sindikatës së Policisë Imer Zeqiri. Zeqiri tha se pret reflektim pozitiv në kërkesat e parashtruara. “Por, nuk mund të paragjykojmë se a do të ketë rezultat”, tha ai. Kryesindikalisti i policisë shtoi se pas takimit do të shikohen hapat e tjerë që do të ndërmerren. “Nëse nuk ka rezultat do të veprohet sipas kërkesave dhe vullnetit të pjesëtarëve të policisë”, tha i numri një i SPK-së. Edhe ...

Një draft-statut i Asociacionit të komunave me shumicë serbe, që po qarkullon, ka ngjallur diskutimet mbi mundësinë që i njëjti të jetë propozimi i BE-së. Qeveria e Kosovës nuk e ka mohuar e as pohuar nëse ky draft-statut është i njëjti me draftin e BE-së. Zëdhënësi i qeverisë Përparim Kryeziu, tha për RTV21 se si qeveri e kanë të pamundur të komentojnë mbi vërtetësinë e secilit dokument që publikohet. “Javëve dhe ditëve të fundit kanë qarkulluar në publik tekste të ndryshme të cilat janë raportuar si drafte të propozimit evropiano-amerikan. Si ekzekutiv e kemi të pamundur që të komentojmë mbi vërtetësinë e secilit prej tyre. Megjithëse për sa na takon ...

Kryetari i Partisë Demokratike të Kosovës, Memli Krasniqi ka thënë se është hera e parë që ka draft të tillë të Asociacionit. “Kurrë Kosova dhe Serbia nuk kanë nënshkruar marrëveshje, ka pasur inicializim por jo nënshkrim. Ai mundet sot me inicializu në Bruksel marrëveshje. Këto janë të pavërtetat e Kurtit”, tha Krasniqi. Krasniqi tutje ka thënë se asociacioni që ka pasur me u kriju në të kaluarën ka qenë komplet pa kompetenca ekzekutive në asnjë rrethanë. “Në momentin që është bërë Kurti, kryeministër qasja e tij ndaj dialogut dhe partnerëve ndërkombëtar ka pasur reperkusione dhe ne i kemi thanë në vazhdimësi”, tha Krasniqi në emisionin “Politiko”. Sipas tij pas shumë ...