Kryeministri i Kosovës, Albin Kurti ka folur për situatën në veri të Republikës së Kosovës pas heqjes së barrikadave. I pyetur nëse kriza ka përfunduar, Kurti ka thënë se kriza s’mund të përfundojë përderisa Kosova dhe Serbia kanë raporte jo-normale. Kreu i ekzekutivit kosovar ka thënë se është e nevojshme një marrëveshje për normalizim të plotë të raporteve me njohjen reciproke në qendër. Kurti insiston se njohja reciproke mes të dy shteteve është e nevojshme. “Kriza s’ka përfunduar duke qenë se Kosova dhe Serbia kanë raporte jo-normale. Neve na duhet marrëveshje për normalizim të plotë të raporteve me njohjen reciproke në qendër. Ne nuk e njohim Serbinë, Serbia s’e njeh ...

Gjykata Themelore në Prizren ka shqyrtuar kërkesën e Prokurorisë Themelore të Prizrenit, që të dyshuarit Roland Susurit t’i caktohet masa e paraburgimit prej një muaji për shkak të dyshimit se ka kryer dy vepra penale, pjesëmarrje në rrahje dhe manipulimi me prova lidhur me vrasjen e Visart Cengut, në lokalin “Kobra City”, raporton Gazeta Sinjali. Gjyqtari i procedurës paraprake pritet të marr aktvendim lidhur me kërkesën e Prokurorisë për masën e paraburgimit. Prokurorja e Prokurorisë Themelore në Prizren Nazan Shero, tha për Gazetën Sinjali se ka fillur hetimi ndaj të dyshuarit dhe zgjerimi i hetimeve i cili dyshohet për kryerjen e dy veprave penale pjesëmarrje në rrahje dhe manipulimi me ...

Iniciativa e ish-deputetes të Lëvizjes Vetëvendosje dhe njëra nga viktimat që ka denoncuar publikisht dhunën seksuale, Vasfije Krasniqi-Goodman, që lulëkuqja me katër petale të bëhet simbol unik përkujtimor i gjenocidit në Kosovë, po përkrahet edhe nga Profesorët e Fakultetit të Arteve. Në njoftimin e tyre thuhet se profesorët e këtij fakulteti, e mbështesin, pa rezervë, idenë e propozuar që dizajnimi, përkatësisht logoja e Qendra “Gjenocidi në Kosovë-Plagë e Hapur”, të miratohet në instancat kompetente dhe të shndërrohet në simbolin zyrtar, përkatësisht në shenjën identifikuese për kujtimin e gjenocidit në Kosovë. Postimi i plotë: Profesorët e poshtëshënuar, të këtij fakulteti, e mbështesin, pa rezervë, idenë e propozuar që dizajnimi, përkatësisht logoja e Qendra ...

Dy persona janë plagosur pasditen e sotme me armë zjarri, në fshatin Drajkovc të Shtërpcës, komunë kjo e banuar me shumicë serbe. Lidhur me këtë rast është arrestuar pjesëtari i Forcave të Sigurisë së Kosovës. Azem Kurtaj i cili dyshohet se rreth orës 15:20 ka plagosur një 11-vjeçar dhe një 21-vjeçar, raporton Gazeta Sinjali. Rasti është konfirmuar edhe nga Policia e Kosovës, të cilët 33-vjeçarin e kanë shoqëruar për në Policinë Rajonale të Ferizajt si të dyshuar për plagosjen në Shtërpcë. “Policia Rajonale e Ferizajt, pas një pune intenzive hetimore, grumbullimit të informacioneve në terren, pasi kanë identifikuar e më pas kanë arrestuar të dyshuarin A.K (M/K) i moshës 33 ...

Flamuj serbo-rusë janë shfaqur në Babimoc të Obiliqit, fshat ky i banuar me shumicë serbe. Në videon e publikuar nga KosovaPress, të njëjtit shihen se janë vendosur pranë objekteve të kultit. Po ashtu, në këtë vendbanim mbrëmë është raportuar se janë shfaqur edhe simboli “z”, e përhapur gjerësisht si simbol i agresionit rus në Ukrainë. Së fundmi, simboli “z” dhe flamuj rusë ishin parë vetëm në veri të vendit, aty ku tashmë operojnë edhe grupe të dyshuara kriminale që synojnë në vijimësi destabilizimin e vendit. Lidhja serbo-ruse është forcuar edhe më shumë pas luftës në Ukrainë, ku ndryshe nga të gjitha vendet perëndimore, Serbia, edhe pse vend kandidat i Bashkimit ...

Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali. Një vetaksident ka ndodhur sot në rrugën Gjilan – Prishtinë, saktësisht në afërsi të liqenit të Badocit. Rastin për Gazetën Sinjali e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti, e cila ka bërë me dije se një person ka pësuar lëndime të rënda dhe i njëjti është dërguar për trajtim shëndetësor. “Sot rreth ...

...

Kiara ka lexuar për banorët një zarf nga Vëllai i Madh. Banorëve u është komunikuar që të dorëzojnë të gjithë syzet e diellit sepse përdorimi i tyre nga banorët, pengon në përcjelljen e emocioneve te publiku. “Banorë, Vëllai i Madh iu kujton se një nga rregullat e Big Brother është ndalimi i përdorimit të syzeve të diellit në ambientet e brëndshme të shtëpisë. Mbajtja e tyre është mungesë transparence në përcjelljen e emocionet tuaja të vërteta te publiku. lajmërimesh, ky rregull vazhdon të mos respektohet. Për këtë arsye Vëllai i Madh kërkon të dorëzoni menjëherë të gjitha syzet e diellit dhe t’i vendosni te dhoma e rrëfimit. Për cilindo që ...

Dogana e Kosovës ka mbledhur 1 miliard e 531 milionë euro gjatë vitit 2022. Viti i kaluar, sipas drejtorit të Përgjithshëm të Doganës, Agron Llugaliu, është më i suksesshëm se viti 2021. Në konferencë për medie të premten, Llugaliu deklaroi se të hyrat e vitit 2022 janë 154 milionë euro më shumë se viti paraprak. Megjithatë, ai tha se se rritja e të hyrave është edhe si rezultat i inflacionit, rritjes së çmimeve të produkteve. Ai shtoi se në vitin 2022 janë importuar mallra në vlerë të 5.6 miliardë euro, ndërsa janë eksportuar vetëm 869 milionë euro. Krahas kësaj, Llugaliu tha se importi nga Serbia vitin e kaluar ka qenë ...

Kryeministri i Kosovës Albin Kurti, ka folur përsëri rreth mundësisë së një konflikti të armatosur me Serbinë. Kurti e ka ritheksuar se është i brengosur dhe i kujdesshëm por nuk e ka frikë Serbinë. “Nuk kam frikë unë. Jam i brengosur, jam i kujdesshëm, jam i shqetësuar sepse ky është pjesë edhe e përshkrimit të vendit tim të punës, mirëpo nuk kam frikë.” – ka thënë Kurti. Tutje Kurti ka folur edhe rreth rrezikut për një konflikt të armatosur i cili nuk e ka mohuar një mundësi të tillë. “Po ka rrezik. Rrezik ka, sepse është Serbia. Jo sepse jam unë. Rrezik është sepse është Serbia në anën tjetër e cila ...