Forcat e Sigurisë së Kosovës e kanë shpëtuar një fëmijë 2 vjeç në Turqi, derisa ende po mundohen ta shpëtojnë edhe nënën e vajzës së vogël e cila është gjallë nën rrënojat e shkaktuara nga tërmeti. Lajmin e ka konfirmuar shef i Komunikimit Strategjik në Ministrinë e Mbrojtjes, gjenerali Sefer Isufi. “Nga informatat e fundit që i kemi këta kanë arrit me ekipet tona me detektu disa prej njerëzve në rrënoja, dektektimi është i rëndësishëm, në momentin që detektohet masat për nxjerrje janë më të lehta”, ka thënë ai në Tv Dukagjini Tërmeti vdekjeprurës në Turqi dhe Siri ka marrë jetën e më shumë se 11 mijë personave. /GazetaSinjali/ ...

...

Paralajmërimet për shtrenjtim të energjisë elektrike nga Zyra e Rregullatorit për Energji (ZRRE) sipas shefes së Grupit Parlamentar të Lëvizjes Vetëvendosje, Mimoza Kusari-Lila janë bërë vazhdimisht. Por, ka sqaruar se Qeveria e Kosovës vazhdimisht ka intervenuar me subvencione për të lehtësuar krizën energjetike për qytetarët. “Përderisa kërkesa mund të kenë operatorët, dhe gjithë ata që janë pjesë e sektorit të energjisë dhe pastaj varet nga vendimi i ZRRE-së dhe nga veprimet e qeverisë. Ne kemi pasur kërkesë të tillë edhe më herët megjithatë ka intervenuar Qeveria me subvencione”, deklaroi Kusari-Lila. Ajo tutje sqaroi se mbi 200 familje janë përfituesë të subvencionit dhe se kanë kërkuar nga ZRRE-ja që të informohen ...

Zyra e Prokurorit të Specializuar (ZPS) ka kërkuar që ish-presidentit të Kosovës, Hashim Thaçi, dhe ish-kryeparlamentarit Kadri Veseli t’u vazhdohet masa e paraburgimit. Këtë kërkesë Prokuroria e ka arsyetuar në baza të shumëfishta në mënyrë të përsëritur nga Gjykata e Apelit. Nga Prokuroria është thënë se “caktimi i datës së gjykimit dhe zhvillime të tjera të rëndësishme që tregojnë progres të qëndrueshëm do t’i japin Thaçit e Veselit qasje të mëtejshme në informacione në lidhje me dëshmitarët e ndjeshëm dhe rastin kundër tyre, mbështesin domosdoshmërinë dhe arsyeshmërinë e paraburgimit”. “Asnjë kusht i shkurtër i paraburgimit në objektet e paraburgimit të Dhomës së Specializuar të Kosovës (DhSK) s’do të ishte i ...

Shtetet e Bashkuara të Amerikës, sipas ambasadorit amerikan në Serbi, Christopher Hill, janë të përkushtuar për zbatimin e plotë të asaj që është rënë dakord në Marrëveshjen e Brukselit, duke përfshirë këtu edhe formimin e Asociacionit të Komunave me Shumicë Serbe. Sipas diplomatit veteran, propozimi franko-gjerman, i cili ka dinamizuar së fundmi dialogun Kosovë-Serbi, nuk është në kundërshtim me Marrëveshjen e Brukselit ku parashihet edhe formimi i Asociacionit. “Ne me të vërtet këmbëngulim që ajo që është rënë dakord duhet të zbatohet. Marrëveshja e Brukselit dhe propozimi franko-gjerman janë të lidhur. Koncepti që marrëveshjet e mëparshme duhet të zbatohen është pjesë e marrëveshjes franko-gjermane”, ka thënë Hill. Në këtë kontekst, ...

...

Kosova mund të goditet nga tërmete, por jo katastrofike siç është tërmeti i fundit në Turqi, ku kanë humbur jetën mijëra qytetarë. Sizmologët vlerësojnë se Kosova është  më mirë në aspektin sizmik sepse ndodhet më larg pllakave tektonike. Ata shprehin shqetësim për cilësinë e ndërtimeve dhe bëjnë thirrje që objektet e banimit të ndërtohen sipas standardeve. Pas tërmetit të fuqishëm i cili ndodhi dy ditë me parë në Turqi dhe Siri, Kosova po vlerësohet se mund të  goditet nga tërmetet, por jo të kësaj fuqie. Sizmologu Shemsi Mustafa në një përgjigje për Radio Kosovën tha se në Kosovë nuk ekziston mundësia që të bie një tërmet i ngjashëm si në ...

Pasi video tronditëse e një të porsalinduri të shpëtuar nga rrënojat në Siri bëri xhiron e botës, një çift i ri i martuar nga Sarajeva telefonoi dhe tha se do të donin të birësonin vajzën e vogël që mbeti pa të gjithë të afërmit e saj në tërmetin shkatërrues. “Ju lutemi na ndihmoni ta arrijmë këtë fëmijë dhe t’i dhurojmë dashuri dhe ngushëllim të pafund. Të publikohet lajmi që të dihet se janë dy të rinj në Sarajevë që aktualisht nuk kanë fëmijë të tyre dhe që do të donin ta birësonin këtë foshnjë dhe t’i jepnin të gjithë dashurinë e mundshme në botës”, kanë thënë çifti për mediumin boshnjak ...

Deputeti gjermano-kroat, Josip Juratoviq, nga Grupi parlamentar i SPD-së së Bundestagut gjerman, ka njoftuar se më 7 shkurt është miratuar dokumenti në mbështetje të Ballkanit Perëndimor në rrugën drejt Bashkimit Evropian. Ai në një postim në Twitter ka shkruar se grupi parlamentar i socialdemokratëve gjermanë riafirmon objektivin e anëtarësimit të plotë në BE për Kosovën, Shqipërinë, Malin e Zi, Maqedoninë e Veriut, Bosnjë e Hercegovinën dhe Serbinë. “Akterët nacionalistë në terren kanë përfituar nga qëndrimi hezitues i BE-së, duke nxitur konfliktet etnike me qëllim që të përvetësojnë strukturat dhe burimet shtetërore dhe kështu të minojnë përparimin në demokraci dhe shtetin e së drejtës”, shkroi ai. Juratoviq ka potencuar se në fokus ...

Një djalë gjashtë vjeçar u shpëtua nga rrënojat e një ndërtese 7-katëshe të shembur të martën, disa orë pasi tërmetet e fuqishme goditën Turqinë jugore. Eymen u shpëtua në Hatay, një nga 10 provincat e goditura rëndë nga tërmetet me magnitudë 7.7 dhe 7.6 ballë, nga ekipet e bashkisë Bahçelievler të Stambollit, raporton anadolu. Pas shpëtimit të Eymen rreth orës 17:50 me orën lokale (14:50 GMT), ekipet po vazhdonin përpjekjet për të shpëtuar nënën e tij. Numri i të vdekurve nga tërmetet e së hënës me qendër Kahramanmaras është rritur në 4,544, sipas agjencisë kombëtare të fatkeqësive, së bashku me mijëra të tjerë të plagosur. Provincat e tjera të prekura ...