Gjatë ditës së djeshme u raportua se Sami Kurteshi – anëtari i VV-së në KQZ- e kishte sulmuar fizikisht një nëpunës të këtij institucioni. Kjo është mohuar nga Kurteshi, i cili ka thënë se thjesht ka bërtitur dhe e ka nxjerrë jashtë punëtorin për çështjen e maskës. Por, tashmë del një dëshmitar që pretendon krejt të kundërtën.
Dëshmitari i intervistuar nga Periskopi e që ishte në vend-ngjarje ka thënë se ka parë përplasjen në fjalë, dhe se për të është i gatshëm të përgjigjet si dëshmitar edhe në Policinë e Kosovës.
Madje, ai shton se nëpunësit kishin maskë në këtë institucion.
Ftoj viktimën, nëse i duhem për dëshmitar në polici, këtu jam. Ishte një sjellje e tmerrshme. Veç në administratën e Millosheviqit kam parë sjellje të tillë,” – shton ai, përcjell Periskopi.
Organizata Demokracia Në Veprim pas kësaj sjelljeje të Kurteshit i ka kërkuar presidentes Vjosa Osmani shkarkimin e Kurteshit duke i përmendur këtij të fundit edhe sjelljet e të kaluarës. /Periskopi
The post DEL HAPUR DËSHMITARI QË PA DHUNËN E SAMI KURTESHIT: PUNËTORI PATI MASKË – SJELLJE SI NË KOHËN E MILLOSHEVIQIT appeared first on Dielli News.
The post DEL HAPUR DËSHMITARI QË PA DHUNËN E SAMI KURTESHIT: PUNËTORI PATI MASKË – SJELLJE SI NË KOHËN E MILLOSHEVIQIT appeared first on Dielli News.